U Breście buduć sudzić Andreja Kavalčuka, Hleba Hrynbierha, Mikałaja Chatyniuka i Dźmitryja Abramuka, jakija mieli namier uziać udzieł 10 kastryčnika ŭ «šeści nacyjanalnaha ściaha» ŭ Minsku.
Jak paviedamiŭ Kavalčuk, 10 kastryčnika pryblizna ŭ 11.00 aŭtamabil «Reno», u jakim jany jechali, na vyjeździe z Bresta spynili supracoŭniki DAI. «Jany zajavili, što ja padobny na čałavieka, na jakoha ŭ ich jość aryjenciroŭka na vyšuk. Ludzi ŭ cyvilnym abšukali «Reno» i nas. Potym dastavili ŭ Maskoŭski RAUS Bresta, — skazaŭ Kavalčuk. — U milicyi na nas skłali administracyjnyja pratakoły za toje, što my nibyta niecenzurna łajalisia, i źmiaścili ŭ izalatar časovaha ŭtrymańnia».
12 kastryčnika maładych ludziej ź izalatara dastavili ŭ sud Maskoŭskaha rajona Bresta.
«U sudzie my viny nie pryznali. Było pryniataje rašeńnie pieranieści sudovaje pasiadžeńnie na 21 kastryčnika i vyklikać śviedak: supracoŭnikaŭ pravaachoŭnych orhanaŭ, — paviedamiŭ Kavalčuk. — Zatym nas adpuścili. My ličym, što byli zatrymanyja niezakonna, i budziem dakazvać heta ŭ sudzie».
