Centralnaja kamisija kamunistyčnaj partyi Kitaja pa praviercy dyscypliny abvinavaciła hałoŭnuju kamunistyčnuju hazietu krainy «Žeńmiń žybao» ŭ tym, što jaje filijały brali chabary za publikacyju artykułaŭ — albo za zamoŭčvańnie navin, niavyhadnych dla «klijentaŭ».
Kamisija taksama abvinavaciła niekatoryja biuro haziety na miescach u niametavym vykarystańni dziaržaŭnych srodkaŭ, u pryvatnaści, na adpačynki.
Adnak u aficyjnaj zajavie inśpiektaraŭ KPK nie pryviedzienyja kankretnyja prykłady chabarnictva žurnalistaŭ.
Hałoŭny redaktar «Žeńmiń žybao» zapeŭniŭ kamisiju, što redakcyja «voźmie na ŭzbrajeńnie» papiaredžańnie i prykładzie ŭsie namahańni, kab antykarupcyjnyja miery byli pryniatyja na 100%.
Try hady tamu novy staršynia KNR Si Czińpin pačaŭ masiravanuju kampaniju pa baraćbie z karupcyjaj, u ramkach jakoj admysłovyja hrupy inśpiektaraŭ kamisii KPK pravodziać pravierki va ŭsich dziaržaŭnych viedamstvach i na pradpryjemstvach.
