Pamiatnaja doška ŭ honar pieršaj humanitarnaj misii AAN u Biełarusi ź`iaviłasia 19 kastryčnika na domie-muziei «Łošyckaja siadziba» ŭ Minsku.
Na došcy na biełaruskaj i anhlijskaj movach napisana: «U hetym domie ŭ 1946—1947 hadach raźmiaščałasia misija administracyi dapamohi i adnaŭleńnia Ab`iadnanych Nacyj (UNRRA). Pamiatnaja doška ŭstanoŭlena ŭ 70-ju hadavinu zakančeńnia Druhoj suśvietnaj vajny i stvareńnia AAN, adna z zasnavalnic jakoj — Biełaruś». Zadačaj UNRRA było akazańnie ekanamičnaj dapamohi krainam Jeŭropy, a taksama repatryjacyja i padtrymka biežancaŭ u paślavajenny čas.
U prysutnaści dypłamataŭ Hiermanii, Italii, Kitaja, Kyrhyzstana, Litvy, Małdovy, Šviecyi, Estonii i inšych krain, biełaruskich čynoŭnikaŭ i žurnalistaŭ pamiatnuju došku adkryli ministr zamiežnych spraŭ Biełarusi Uładzimir Makiej, časovy pavierany ŭ spravach ZŠA ŭ Biełarusi Skot Rołand, pastajanny kaardynatar AAN u Biełarusi Sanaka Samarasincha i staršynia Minharvykankama Andrej Šorac.