Fota chess-news.ru.
Kamisija pa etycy Mižnarodnaj šachmatnaj fiederacyi (FIDE) u sieradu, 21 kastryčnika, adchiliła 13-ha čempijona śvietu pa šachmatach Hary Kasparava ad luboj dziejnaści, źviazanaj ź fiederacyjaj. Jak havorycca ŭ zajavie FIDE, Kasparaŭ pazbaŭleny mahčymaści na praciahu dvuch hadoŭ zajmać lubuju pasadu ŭ fiederacyi i jaje strukturach. Razam ź im kamisija pa etycy adchiliła byłoha hienieralnaha sakratara FIDE i kiraŭnika šachmatnaj fiederacyi Sinhapura Ihnatyjusa Leonha.
Raniej fiederacyja abvinavaciła Kasparava ŭ parušeńni maralnaha kodeksa arhanizacyi. Jak paviedamlałasia ŭ chodzie rasśledavańnia, eks-čempijon śvietu pierad minułymi ŭ 2014 hodzie vybarami prezidenta FIDE zapłaciŭ Leonhu 500 tysiač dalaraŭ, kab toj zabiaśpiečyŭ jamu hałasy pradstaŭnikoŭ azijackaha rehijona. Vybary Kasparaŭ u vyniku prajhraŭ, a na pasadu prezidenta fiederacyi byŭ pieraabrany kałmyk Kirsan Ilumžynaŭ.
Sajt chess.com nazyvaje aŭtarytet kamisii FIDE pa etycy sprečnym. Sam Kasparaŭ nazvaŭ abvinavačvańni na svoj adras absalutnaj chłuśnioj.
