U vydaviectvie «Papierus» kampanii «Biełaruskaja Prastora» vyjšaŭ raman šviejcarskaha piśmieńnika Łukasa Berfusa «Kaała» na biełaruskaj movie (pierakład ź niamieckaj Iryny Hierasimovič).
«Biełaruskaja Prastora» prapanuje paznajomicca z Łukasam Berfusam, aŭtaram hetaha ŭnikalnaha tvora sučasnaha jeŭrapiejskaha litaraturnaha mastactva, jaki prymie ŭdzieł u prezientacyjach ramana «Kaała» ŭ Biełarusi:
23 kastryčnika ŭ 16 hadzin – u Breście (Bresckaja abłasnaja biblijateka imia M.Horkaha, bulvar Kasmanaŭtaŭ, 48);
24 kastryčnika ŭ 18 hadzin – u Minsku (aktavaja zała Instytuta imia Hiote, vuł. Viery Charužaj, 25/3, 4 pavierch).
Łukas Berfus (1971 hodu naradžeńnia) - šviejcarski piśmieńnik i dramaturh, adzin z samych značnych niamieckamoŭnych aŭtaraŭ. Jaho pjesy pierakładzieny na šmatlikija movy i staviacca ŭ teatrach pa ŭsim śviecie. Vialiki pośpiech prynios jamu j debiutny raman «Sto dzion». Tvorčaść Łukasa Berfusa była adznačanaja cełym šeraham premij i ŭznaharod. Za raman «Kaała» piśmieńnik byŭ uznaharodžany ŭ 2014 hodzie Švejcarskaj knižnaj premijaj. «Kaała» dla Berfusa – heta mahčymaść pieraadoleć bol, pryčynaj jakoha stała samahubstva rodnaha čałavieka.
Ci zadumvalisia vy, čamu ludzi vyrašajuć pakinuć hety śviet? Što šturchaje nahu samazabojcy zrabić pieršy krok na hetym niezvarotnym šlachu? Stychijny hety krok, albo staranna pradumany, spłanavany samim čałaviekam, albo padładžany atačeńniem? Jakoje miesca zajmaje ŭ śviecie kožny čałaviek i što pakidaje paśla siabie? Parazvažać nad hetymi i inšymi pytańniami čałaviečaha isnavańnia davodzicca Łukasu Berfusu, aŭtaru knihi «Kaała», jaki paśla samazabojstva brata pačynaje sapraŭdnaje rasśledavańnie. Kab zrazumieć, što šturchnuła brata syjści z žyćcia, aŭtar pačynaje ŭzhadvać jaho historyju – kim byŭ brat, jak jon žyŭ, čamu znajomyja zvali jaho «kaała» i jak hetaja mianuška paŭpłyvała na jaho žyćcio.
Zamović raman «Kaała» Łukasa Berfusa možna TUT.
