Niemahčyma ŭjavić, kab kultura raźvivałasia ź niejkaha adnaho elemienta. Heta zaŭsiody kompleks, niejki korpus simvałaŭ, znakaŭ, sensaŭ… Jaki raźvivajecca mienavita jak sukupnaść i nabyvaje sens u hetaj spałučanaści elemientaŭ. Pry źmienie histaryčnych epoch, pad upłyvam sacyjalnych kataklizmaŭ hety korpus moža źmianiaca, łamacca, časam da niepaznavalnaści - zrazumieła, kožny čas rastaŭlaje svaje akcenty.
«Restaŭracyja» kulturnych napłastavańniaŭ, pieraasensavańnie «minułaha» daje nam razumieńnie taho, što robić nabor roznych elemientaŭ adnym cełym albo što pieraškadžaje celnaści kultury. Heta ŭzbahačaje nas u vyznačeńni «svajho», nadaje nam zdolnaść bačyć abdbitak «svajoj kultury» u samych «prostych rečach». Dazvalaje zrazumieć, što daje kultury raźvićcio, a što robić jaje prosta kalekcyjaj – niachaj sabie ŭdałaj i kaštoŭnaj - zdabytkaŭ inšych kultur.
28 kastryčnika a 18.30 Latučy ŭniviersitet u miežach sieryi «Hałoŭnaje pytańnie» zaprašaje na lekcyju dyzajniera, paeta, pierakładčyka Michała Aniempadystava «Ujaŭlajučy Biełaruś».
U pošukach adkazu na pytańnie «Što takoje biełaruskaja kultura?» lektar prapanuje zrabić nastupnyja akcenty:
- Nacyja jak «ujaŭlenaja» supolnaść na prykładzie biełaruskaha nacyjaŭtvareńnia.
- Unifikavanaje ŭjaŭleńnie i aktualizacyja.
- Ŭiaŭleńni ajcoŭ-zasnavalnikaŭ.
- Ŭiaŭleńni biełaruskich adradžencaŭ kanca XIX – pač. XX stahodździaŭ.
- Tutejšaść i prastoravyja prefierencyi.
- Inbiełkult. Baraćba z nacyjanalizmam. Saviecki i Zachodniebiełaruski dyskursy.
- Biełaruś pad niamieckaj akupacyjaj.
- Paślavajenny supraciŭ i represii, adliha i stahnacyja.
- Adradžeńnie 80—90ch.
- Niezaležnaja Biełaruś. Vybar i baraćba kulturnych madelaŭ.
- Kultura Biełarusi i biełaruskaja kultura. Miežy i daminanty.
Uvaha! Usich žadajučych naviedać lekcyju arhanizatary prosiać papiarednie zarehistravacca. Infarmacyja pra miesca praviadzieńnia budzie dasłanaja zarehistravanym udzielnikam napiaredadni.
Na sajcie Latučaha ŭniviersiteta źjavilisia raskład i temy listapadaŭskich lekcyj.
