Miačeć Kubat as-Sachra na Chramavaj hary ŭ Jerusalimie. Fota AFP
Izrail i Iardanija ŭ chodzie pieramovaŭ u Amanie damovilisia pryniać miery pa źnižeńni napružanaj situacyi ŭ rajonie śviatych miescaŭ na Chramavaj hary ŭ Jerusalimie, u pryvatnaści praduhledžvajecca ŭstanoŭka videjakamier dla nazirańnia słužbami biaśpieki.
Nahadajem, z abvinavačvańniaŭ u namiery adnavić iŭdziejskuju prysutnaść na Chramavaj hary, dzie na ruinach staražytnych iudziejskich chramaŭ stajać miačeci Al-Aksa i Kubat as-Sachra, pačałosia abvastreńnie blizkaŭschodniaha kanfliktu, jakoje ŭniesła za apošni miesiac u vyniku praktyčna štodzionnych napadaŭ i biesparadkaŭ žyćci 9 izrailcian i zvyš za 50 palestyncaŭ.
Palestynski i ijardanski baki abvinavacili Izrail u žadańni źmianić «status-kvo», jaki dziejničaje na Chramavaj hary z 1967 hoda, i padzialić śviatoje miesca na musulmanskuju i iŭdziejskuju častki. Ułady Izraila admaŭlajuć takija namiery.
«Musulmanie mohuć malicca na Chramavaj hary, a niemusulmanie tolki jaje naviedvać», — zajaviŭ premjer-ministr Izraila Bińjamin Nietańjachu ŭ svaim kamiunikie pa vynikach pieramovaŭ.
