RBK paviedamiŭ pra hibiel u Siryi rasijskaha vajskoŭca-kantraktnika Vadzima Kastenki. Adzin ź jaho svajakoŭ raspavioŭ ahienctvu, što sałdat adpraviŭsia ŭ kamandziroŭku 14 vieraśnia, a 25 kastryčnika siamji paviedamili jaho śmierć. U vajenkamacie skazali, što Kastenka byŭ znojdzieny miortvym, nie ŭdakładniŭšy padrabiaznaściaŭ.
Pieršym pra hibiel Kastenkt napisaŭ błohier Rusłan Levijeŭ, jaki raniej zajmaŭsia rasśledavańniem hibieli rasijskich vajskoŭcaŭ, jak miarkujecca zabitych u Danbasie. Levijeŭ i jaho kamanda vyjavili ŭ sacyjalnych sietkach šmatlikija paviedamleńni ab hibieli vajskoŭca 24 kastryčnika. Pa dadzienych błohieraŭ, Kastenka słužyŭ u VPS i zajmaŭsia techničnym absłuhoŭvańniem samalotaŭ.
Levijeŭ u svaim dopisie spasyłajecca na artykuł The Wall Street Journal, u jakim havorycca pra hibiel rasijskaha sałdata ŭ Siryi ŭ vyniku nieaściarožnaha abychodžańnia sa zbrojaj. Artykuł byŭ apublikavany za dzień da śmierci Kastenki. «Ale kali ŭjavić, što ŭ vyniku nieaściarožnaha abychodžańnia z bojeprypasam adbyŭsia trahičny incydent i paciarpieła bolš adnaho vajskoŭca, to ŭ toj momant Vadzim całkam moh być paranienym i skanać užo paśla publikacyi artykuła WSJ», - piša Levijeŭ.
U pres-słužbie Minabarony nie zmahli apieratyŭna prakamientavać navinu.
