6 lutaha Alaksandar Milinkievič, Lavon Barščeŭski, Anatol Labiedźka i Mikoła Statkievič padali zajaŭku na akcyju pa nastupnym maršrucie: ad płoščy Jakuba Kołasa da opery.
Na dumku Ivaškieviča, aficyjny adkaz pavinien pryjści ciaham hetaha tydnia. Ale ŭ lubym vypadku akcyja projdzie pa zajaŭlenym maršrucie. Palityk adznačaje, što akcyja budzie nasić mirny charaktar. Kab padkreślić heta, zajaŭniki šeścia prosiać prychodzić a 18:00 na płošču Jakuba Kołasa z kvietkami ŭ rukach. Heta patrebna jašče i dla taho, kab uskłaści kvietki da pomnikaŭ paetaŭ Jakubu Kołasu, Janku Kupału, Adamu Mickieviču i Maksimu Bahdanoviču.
Z metaj praduchileńnia pravakacyj, jakija byli na «Sacyjalnym maršy», budzie stvoranaja admysłovaja družyna. Patencyjnych pravakataraŭ adrazu buduć zatrymlivać i zdavać milicyi.
Viktar Ivaškievič taksama prosić vychodzić na vulicu z bolšaj kolkaściu bieł‑čyrvona‑biełych i eŭrasajuzaŭskich ściahoŭ, kab stvaryć atmasferu sapraŭdnaha śviata.
