Na sustrečy ŭ čaćvier u Vatykanie z Papam Franciškam prezident Litvy Dala Hrybaŭskajcie zaprasiła jaho naviedać Litvu.
fota z fejsbuka prezidenta Litvy
Litoŭski prezident źviarnuła ŭvahu na toje, što ŭ nastupnym hodzie budzie adznačacca 25-hodździe adnaŭleńnia dypłamatyčnych adnosin pamiž Litvoj i Vatykanam. Pa słovach D. Hrybaŭskajcie, Litva pastajanna, asabliva ŭ samyja ciažkija chviliny, adčuvała padtrymku Vatykana, i padbadziorvańnie z vusnaŭ pantyfika vielmi važna i siońnia, kali prychodzicca sutykacca z novymi vyklikami.
Padčas aŭdyjencyi abmiarkoŭvalisia mihracyjny kryzis, vajennyja kanflikty, napružanaść u rehijonie, nieabchodnaść umacavańnia AAN, rola AAN u vyrašeńni kanfliktaŭ, nieabchodnaść zabiaśpiečyć humanitarnuju dapamohu ludziam, jakija biahuć ad halečy i vajny.
Jak paviedamlajecca ŭ relizie pres-słužby litoŭskaha prezidenta, u Litvy i Vatykana vyklikaje zaniepakojenaść situacyja z ahresijaj va Ukrainie.
Prezident padaryła pantyfiku repradukcyi dvuch najbolš viadomych litoŭskich abrazoŭ — Vastrabramskaj ikony Božaj Maci i abraza Isusa Miłasernaha.
Pantyfik taksama atrymaŭ u dar ad Hrybaŭskajcie pčaliny miod, upryhožany malunkami litoŭskich dziaciej.
Heta čaćviorty vizit D. Hrybaŭskajcie ŭ Vatykan. Pieršym i adzinym Papam, jaki naviedaŭ Litvu, byŭ Jan Pavieł II — jon pryjazdžaŭ u Litvu ŭ 1993 hodzie.
