Ułady Biełarusi źniali zabaronu na impart polskaha miasa, paviedamiła biełaruskaje pasolstva ŭ Polščy.
Pra rašeńnie biełaruskaha ŭradu ŭžo painfarmavany polski bok, paviedamlaje Telehraf. Impart jałavičyny i śvininy budzie adbyvacca zhodna z padpisanymi miž biełaruskimi i polskimi kampanijami kantraktami. Dazvoł na impart padpisaŭ ministar sielskaj haspadarki i charču Leanid Rusak.
Nahadajem, što pastaŭki impartnaha miasa ŭ Biełaruś prypynilisia ad 17 sakavika 2007 hodu pavodle rašeńnia ŭpraŭleńnia veterynaryi Minsielhascharču. Adbyłosia heta paśla taho, jak Rasieja źvinavaciła Biełaruś u reeksparcie polskaha miasa. Ad abmiežavańniaŭ istotna paciarpieli pryvatnyja pierapracoŭščyki miasa, jakija vymušanyja byli skaracić abjomy vytvorčaści.