Dvum mužčynam 1975 i 1991 hoda naradžeńnia, žycharam pasiołka Prydniaproŭski, Rahačoŭski rajonny adździeł Śledčaha kamiteta pradjaviŭ abvinavačvańnie pa č. 2 art. 183 KK (niezakonnaje pazbaŭleńnie voli, ździejśnienaje sposabam, niebiaśpiečnym dla žyćcia paciarpiełaha).
Jak paviedamiła aficyjny pradstaŭnik USK pa Homielskaj vobłaści Maryja Kryvanohava, abvinavačanyja raśpivali z paciarpiełym śpirtnyja napoi. Potym jany pasvarylisia, źviazali apošniaha viaroŭkami i advieźli na aŭtamabili na bierah Dniapra. Tam pryviazali da noh paciarpiełaha kavałak rejki i kinuli jaho ŭ vadu. Zatym dastali mužčynu, jaki straciŭ prytomnaść, z raki, advieźli da adnaho z šmatkvaternych damoŭ u pasiołku Prydniaproŭski i kinuli kala padjezda. Mužčynu zaŭvažyła žycharka pasiołka i vyklikała chutkuju dapamohu. Paciarpiełaha dastavili ŭ reanimacyju ź pieraachaładžeńniem, zakrytaj čerapna-mazhavoj traŭmaj i strasieńniem mozhu.
Abvinavačanych trymajuć pad vartaj. Matyvy złačynstva vyśviatlajuć śledčyja.