Kiraŭnik rehijanalnaha adździaleńnia partyi «Spraviadlivaja Rasija» ŭ Sankt-Pieciarburhu Aleh Niłaŭ źbirajecca prapanavać uładam horada nazaŭsiody zabaranić śviatkavańnie Chełoŭina z-za krušeńnia rasijskaha samalota ŭ Jehipcie, paviedamlaje RIAN.
«Pamiać nie pavinna być razavaj. U nastupnym hodzie, 31 kastryčnika, žałoby ŭžo nie budzie abvieščana. I što? Značyć, hety šabaš, hetyja skoki na kaściach praciahnucca? Ja liču, u Pieciarburhu heta niedapuščalna», — zajaviŭ Niłaŭ.
Jon užo nakiravaŭ zvaroty hubiernataru Hieorhiju Pałtaŭčanku i maskoŭskamu meru Siarhieju Sabianinu z prośbaj zabaranić śviatkavańni nočy pierad Dniom usich śviatych u dvuch stalicach.
«Nazaŭždy budu prasić zabaranić, tamu što hetyja daty na mnohija-mnohija dziesiacihodździ pavinny zastacca ŭ pamiaci. Dla taho, kab jany zastalisia ŭ pamiaci, niedapuščalna ich sumiaščać z takimi šabašami», — dadaŭ parłamientaryj.
Pavodle jaho słoŭ, śviatkavać Chełoŭin varta zabaranić jak 30 kastryčnika, napiaredadni Dnia achviar palityčnych represij, tak i 31 kastryčnika, kali ŭ Jehipcie raźbiŭsia rasijski samalot.
U toj ža čas patryjarch Kirył vykazaŭ ździŭleńnie tym, što ludzi mohuć u dzień žałoby śviatkavać Dzień usich Śviatych u načnych kłubach, paviedamlaje MK.
Jon zaklikaŭ pamalicca ab tym, kab «Boh nie pakaraŭ hetych ludziej».
«Kab nijakaje žadańnie zarabić hrošy nie davała ludziam voli ad usiakaha maralnaha prava pierastupać rysu», — adznačyŭ jon.