Kampanija «Biełtelekam» viadzie manitorynh zapatrabavanaści biełaruskimi karystalnikami resursaŭ internetu ŭ režymie realnaha času.
Jak paviedamili ŭ Ministerstvie suviazi i infarmatyzacyi, heta dazvalaje prymać apieratyŭnyja rašeńni pa pašyreńni źniešniaha šluza suvymierna z rostam patreb karystalnikaŭ jak va ŭschodnim, tak i ŭ zachodnim kirunkach. Manitorynh fiksuje siezonnyja i sutačnyja vahańni spažyvańnia trafiku. Tak, naprykład, najbolšaje pavieličeńnie spažyvańnia trafiku fiksujecca ŭ viačerni čas. Pik aktyŭnaści internet-karystalnikaŭ prychodzicca na pieryjad z 22.00 da 01.00.
Siarod pryjarytetaŭ hetaha kirunku — pramyja pirynhavyja złučeńni z bujnymi internet-resursami, takimi jak Google, «UKantakcie», Mail.ru i inšymi.
Jak adznačaje Minsuviazi, manitorynh zahruzki źniešniaha mahistralnaha kanała źjaŭlajecca častkaj kompleksu arhanizacyjna-techničnych mierapryjemstvaŭ, jakija pravodziać śpiecyjalisty kampanii «Biełtelekam» dla pastajannaha pavyšeńnia jakaści svaich pasłuh i nadziejnaści dostupu klijentaŭ kampanii da suśvietnaha pavucińnia, zabieśpiačeńnia stabilnaj chutkaści dostupu i nadziejnaha internet-złučeńnia.
Jomistaść źniešniaha internet-šluza Biełarusi farmirujecca dvuma ŭpaŭnavažanymi apieratarami: «Biełtelekam» i Nacyjanalnym centram abmienu trafikam. Abjom źniešniaha kanała dostupu ŭ internet RUP «Biełtelekam» na siońniašni dzień składaje 610 Hbit/s. Za apošnija piać hadoŭ heta ličba vyrasła ŭ 15 razoŭ. Pavodle prahnozaŭ ekśpiertaŭ, da 2020 hoda jomistaść šluza składzie bolš jak 2 Tbit/s.
