Rejdy-pravierki pa vyjaŭleńni rabotnikaŭ u stanie ałkaholnaha apjanieńnia projduć u listapadzie ŭ arhanizacyjach Minska padčas miesiačnika «Nie pjanstvu na vytvorčaści!», paviedamlaje BiełTA.
Pavodle infarmacyi Minharvykankama, u apošni čas pavialičyłasia kolkaść tak zvanaha «pjanaha traŭmatyzmu» na pracoŭnych miescach. Za dziesiać miesiacaŭ hetaha hoda ŭ stanie ałkaholnaha apjanieńnia znachodzilisia troje zahinułych i vosiem ciažka traŭmavanych rabotnikaŭ.
Asablivuju ŭvahu praviarajučyja nadaduć budaŭničym placoŭkam, vytvorčym pradpryjemstvam, a taksama arhanizacyjam, źviazanym z transpartam i pieravozkami. Arhanizatary akcyi prapanujuć hramadzianam paviedamlać pra fakty pjanstva na vytvorčaści pa telefonie (17) 270 55 01.
0
0
0
0
0
0
