Taksama žychary Horadni nia suprać bačyć u svaim horadzie muzej erotyki.
Na sajcie hazety «Viečiernij Hrodno» ładzicca čarhovaje apytańnie. Hetym razam pytańniem tydnia stała «Jaki muzej patrebny Horadni?». Pa stanie na 12:47 21 sakavika za Muzej Vasila Bykava prahałasavała 38,2% apytanych, za Muzej biełaruskaj erotyki – 29,4%, 23,5% haradziencaŭ, što pryniali ŭdzieł u hałasavańni žadajuć bačyć u Horadni Muzej architektury pad adkrytym niebam, i tolki 8,8% respandentaŭ vykazalisia za stvareńnie Muzeju tradycyjnaj kuchni.
Nahadajem, što pytańnie pra stvareńnie paŭnavartasnaha muzeju Vasila Bykava ŭ Horadni zastajecca niavyrašanym. Haradzkija ŭłady nie śpiašajucca vyłučyć inicyjataram stvareńnia muzeju pamiaškańnia.