tass.ru
Režysior Hieorhij Junhvald-Chilkievič pamior na 82 hodzie žyćcia, paviedamili pradstaŭniki Sajuza kiniematahrafistaŭ RF.
Junhvald-Chilkievič 3 listapada byŭ ekstrana špitalizavany ŭ Botkinskuju balnicu ŭ Maskvie. Pryčyny špitalizacyi nie nazyvalisia, paviedamlałasia tolki, što režysior znachodzicca ŭ reanimacyi ŭ vielmi ciažkim stanie.
«Junhvald-Chilkievič pamior u Maskvie ŭ sieradu va ŭzroście 81 hoda», — zajavili «Interfaksu» ŭ Sajuzie kiniematahrafistaŭ RF.
***
Junhvald-Chilkievič naradziŭsia 22 kastryčnika 1934 h. u Taškiencie. Jaho baćka Emil-Alhierd skončyŭ Kijeŭskuju teatralnuju akademiju, z 1934 h. pracavaŭ va Uźbiekistanie.
Hieorhij u 1956 skončyŭ Taškiencki architekturny instytut, u 1963 — Taškiencki teatralna-mastacki instytut. Pracavaŭ mastakom u Taškienckim teatry, na «Uźbiekfilmie» i Adeskaj kinastudyi.
Pieršym poŭnamietražnym filmam, źniatym Junhvald-Chilkievič, stali «Niebiaśpiečnyja hastroli» z Uładzimiram Vysockim u hałoŭnaj roli, što vyjšli na ekrany ŭ 1969 h..
Siarod inšych najbolš viadomych prac režysiora — filmy «D'Artańjan i try muškieciory», «Muškieciory praz 20 hadoŭ», «Ach, vadevil, vadevil» i «Viazień zamka If». Usiaho Junhvald-Chilkievič źniaŭ bolš za 20 poŭnamietražnych filmaŭ.
