Inśpiektarami mižrajonnaha rehistracyjnaha adździeła ŭpraŭleńnia DAI HUUS Minharvykankama i supracoŭnikami adździeła kryminalnaha vyšuku Kastryčnickaha RUUS stalicy znojdziena mašyna «BMV Ch6», jakaja ličyłasia ŭ vyšuku maskoŭskaj palicyjaj. Ciapier pa hetym fakcie jašče pravodziacca pravieračnyja mierapryjemstvy.
Jak paviedamlaje HUUS, ciapierašni ŭładalnik mašyny navat nie padazravaŭ, što niadaŭna nabyŭ kradzienaje aŭto, pryčym pa vielmi nizkaj canie (pryblizna 20 tysiač dołaraŭ ZŠA). Vyśvietliłasia, što mašynu minčanin kupiŭ praz pasrednika, jakomu prosta pieradaŭ hrošy, nie pahutaryŭšy z papiarednim uładalnikam. Mužčynu tolki dali techpašpart na vyvaz «BMV» u Biełaruś.
Prablemy pačalisia pry prachodžańni źvierki aŭtamabila dla pastanoŭki na ŭlik. Inśpiektary zaŭvažyli, što litary i ličby identyfikacyjnaha numara pad kapotam niaznačna, ale adroźnivalisia svaimi pamierami.
Padčas pravieračnych mierapryjemstvaŭ apieratyŭniki i supracoŭniki DAI padčas źvierki aŭto dla źniaćcia i pastanoŭki na ŭlik vyśvietlili, što «BMV Ch6», pryhnany pa dakumientach z Kazachstana, byŭ ź pierabitymi identyfikacyjnymi numarami. U vyniku čaho ŭstanoŭlena, što heta aŭto vykradziena ŭ žychara Maskvy i znachodzicca ŭ vyšuku.
Supracoŭniki milicyi pravodziać vyšukovyja mierapryjemstvy pa ŭstanaŭleńni pasrednika, jaki pradaŭ mašynu. Taksama robiacca zachady pa viartańni aŭtamabila jaje ŭładalniku ŭ Rasiju.
