leparisien.fr
Paryžskaja prakuratura adkryła kryminalnuju spravu pa artykule «zabojstva, źviazanaje z teraryzmam» paśla sieryi napadaŭ u horadzie, zajaviŭ prakuror Paryža Fransua Malens.
Pavodle jaho słoŭ, rasśledavańnie budzie pravodzicca pa šaści zdareńniach, u vyniku jakich zahinuli kala 120 čałaviek.
Miž tym, prezident Francyi Fransua Ałand zajaviŭ, što Francyja budzie «biaźlitasnaja» da ŭsich adkaznych za napady.
Paśla naviedvańnia teatra «Batakłan», dzie ad ruk napadnikaŭ zahinuli bolš za sto čałaviek, Ałand nazvaŭ napad «miarzotnaściu i varvarstvam».
Pa apošnich dadzienych prakuratury, vosiem napadnikaŭ zahinuli, siem ź ich byli śmiarotnikami.
Raniej na ŭsioj terytoryi Francyi było abvieščana nadzvyčajnaje stanovišča, miežy krainy začynienyja.
Žycharoŭ Paryža zaklikali nie vychodzić na vulicu. Kala 1500 vajskoŭcaŭ byli nakiravanyja ŭ roznyja rajony horada.
