Sutyknieńniami z palicyjaj skončyłasia ŭ stalicy Paŭdniovaj Karei Sieule šmattysiačnaja akcyja pratestu.
Palicyjanty ŭžyli ślozaciečny haz i vadamioty dla razhonu demanstrantaŭ, jakija abjadnalisia pad roznymi łozunhami: ad adstaŭki ŭrada da zabarony ŭviadzieńnia novych padručnikaŭ z «adzinym pohladam na historyju krainy», u jakich, jak kažuć praciŭniki hetaj idei, budzie zamoŭčvacca fakt isnavańnia dyktatury ŭ 70-ja i 80-ja hady.
Paŭdniovakarejskija prafsajuzy, jakija vystupili arhanizatarami akcyi, zajavili, što niezadavolenyja sprobami ŭładaŭ źmianić pracoŭnaje zakanadaŭstva krainy, kab palehčyć dla kampanij praces zvalnieńnia rabotnikaŭ.
Pavodle apošnich dadzienych, kala 10 čałaviek byli aryštavanyja, kali pasprabavali prarvacca skroź palicejskija ačapleńni.
Raniej apazicyjny «Novy palityčny aljans za demakratyju» zapatrabavaŭ parłamienckaha rasśledavańnia z nahody sistemy publikacyi padručnikaŭ, zajaviŭšy, što lubyja źmieny ŭ sistemie adukacyi patrabujuć hramadskaha kansiensusu.
