U Hiermanii zatrymali troch čałaviek, jakija padazrajucca ŭ datyčnaści da sieryi napadaŭ u Paryžy, što adbylisia ŭ minułuju piatnicu.
Jak paviedamlaje ahienctva DPA sa spasyłkaj na palicyju, usich traich — dźviuch žančyn i adnaho mužčynu — zatrymali ŭ horadzie Alsdorf pad Achienam. Inšych padrabiaznaściaŭ ab apieracyi ŭ palicyi nie pryviali.
Pavodle paviedamleńniaŭ u miascovaj presie, padazravanych zatrymali na vychadzie ź miascovaha centra zaniataści. U apieracyi ŭdzielničaŭ palicejski śpiecnaz. Palicyjanty zabłakavali parkoŭku mašynami, zahadali padazravanym spynicca i pavieźli, nadzieŭšy na ich kajdanki.
U paniadziełak u Hiermanii ŭžo zatrymali vychadca z Ałžyra pa padazreńni ŭ suviazi z paryžskimi napadami. Paviedamlałasia, što jon jašče da vybuchaŭ i stralaniny ŭ Paryžy kazaŭ znajomym, što tam rychtujecca niejkaja bujnaja akcyja.
