U kancy hoda ŭ Nacyjanalnym mastackim muziei adkryjecca ekspazicyja aryhinałaŭ rabot ispanskich žyvapiscaŭ Fransiska Hoji i Pabła Pikasa. Kala 100 hrafičnych tvoraŭ ahulnym koštam 1,4 miljona jeŭra z kalekcyi Karaleŭskaj Akademii mastactvaŭ dastaviać z Madryda ŭ Minsk.
Pabła Pikasa. Siuita Vałara. Minataŭr pamiraje.1933. Vyjava picassolive.ru
«Najbolšyja składanaści pry arhanizacyi vystavy paŭstali z transparciroŭkaj hraviur, — raspaviali arhanizatary. — U Biełarusi niama nivodnaj kampanii, jakaja śpiecyjalizujecca na transparciroŭcy pradmietaŭ mastactva, a heta było asnoŭnym patrabavańniem muzieja Karaleŭskaj akademii vytančanych mastactvaŭ San-Fiernanda».
Z tvoraŭ Pikasa ŭ ekspazicyi pradstaŭleny raboty ź sieryj «Siuita Vałara», ilustracyi da navele Anare de Balzaka «Nieviadomy šedeŭr», a taksama asobnyja hraviury «Paranieny Pikador», «Akciorskaja trupa», «Try žančyny i tareador». Ilustracyi da naveły Anare de Balzaka «Nieviadomy šedeŭr», a taksama hraviury sieryi «Siuita Vałara» byli stvoranyja Pikasa pa zamovie Ambruaza Vałara, adnaho z samych značnych art-dyleraŭ u Paryžy ŭ kancy XIX — pačatku XX stahodździa.
«Jak praviła, svaje hrafičnyja raboty Hojia abjadnoŭvaŭ ŭ vialikija sieryi, pieršaja ź jakich atrymała nazvu «Kapryčas», za joj byli «Biedstvy vajny», «Taŭromachija» i «Dysparates». Vystava imkniecca dasiahnuć poŭnaha adlustravańnia tvorčaści Hoji, u joj sabranyja najbolš cikavyja tvory kožnaj z hetych sieryj», — raspaviadajuć arhanizatary.
Fransiska Hojia. Kapryčas. Son rozumu naradžaje pačvaraŭ. 1797—1799. Vyjava wikipedia.org
Vystava projdzie ŭ Nacyjanalnym mastackim muziei z 21 śniežnia 2015 pa 21 sakavika 2016. Kvitki chutka źjaviacca ŭ prodažy.
