Pjanaja minčanka padrapała dva aŭtamabili taksi, paviedamiła pres-aficer Partyzanskaha RUUS horada Minska Natalla Hanusievič.
Viartajučysia ź viečarynki, 48-hadovaja žančyna padyšła da kiroŭcaŭ taksi i paprasiła biaspłatna advieźci dadomu. Mužčyny admovili ŭ prośbie. Tady žančyna prapanavała akazać im pasłuhi intymnaha charaktaru, ale i na heta atrymała admovu. Raźjušanaja žančyna raspranułasia dahała, zalezła na kapot adnoj z mašyn, źniała z ruki hadzińnik i padrapała imi dva aŭtamabili. U vyniku uładalnikam mašyn naniesieny ŭron na sumu bolš jak Br7 młn.
Niećviarozuju minčanku zatrymali supracoŭniki adździeła kryminalnaha vyšuku Partyzanskaha RUUS stalicy i dastavili ŭ vyćviareźnik. U dačynieńni da jaje raspačataja kryminalnaja sprava pa č.1 art.339 KK Biełarusi (chulihanstva). Sankcyja artykuła praduhledžvaje pazbaŭleńnie voli terminam da 3 hadoŭ.
