Dźmitryj Šepieleŭ prapanavaŭ baćkam Žanny Fryskie zaklučyć novuju damovu. Jak paviedamlajuć infarmahienctvy, televiadučy choča zabrać sabie asabniak u Padmaskoŭi, u jakim ciapier žyvie sa svaim synam, a kvateru ŭ Maskvie addać rodnym śpiavački. Asobnym punktam pahadnieńnia stanie mahčymaść bieśpieraškodna bačycca z maleńkim Płatonam.
Śmierć Žanny Fryskie pakłała pačatak surjoznamu kanfliktu ŭ jaje siamji. Baćki śpiavački i jaje hramadzianski muž Dźmitryj Šepieleŭ užo amal paŭhoda dzielać dvuchhadovaha Płatona. Baćku i maci Fryskie navat pryjšłosia naniać viadomaha advakata Alaksandra Karabanava, jaki ad ich imia napisaŭ zajavu ŭ orhany apieki, kab jany mieli prava na aficyjnyja sustrečy z chłopčykam.
Ciapier Šepieleŭ padniaŭ i majomasnaje pytańnie. U hetaj suviazi advakat Karabanaŭ rastłumačyŭ, što Dźmitryj naohuł nijakaha dačynieńnia da spadčyny Žanny Fryskie nie maje. Pavodle jaho słoŭ, adzinym spadčyńnikam Žanny Fryskie źjaŭlajecca jaje syn Płaton. «Materyjalnaje pytańnie ciapier nie razhladajecca, a temaj majomasnaha charaktaru manipuluje jakraz Šepieleŭ», — skazaŭ advakat.
Taksama Karabanaŭ raspavioŭ, što kamisija pa apiecy, kudy źviarnulisia baćki śpiavački, adbudziecca ŭ kancy listapada. «I kali abodva baki nie pryjduć da pahadnieńnia, pytańnie budzie vyrašacca ŭ sudovym paradku», — zajaviŭ jon.
