Kalehija Jeŭrazijskaj ekanamičnaj kamisii pryniała rašeńnie ŭvieści antydempinhavuju pošlinu na kitajskija šyny dla hruzavych aŭtamabilaŭ, aŭtobusaŭ, tralejbusaŭ, samazvałaŭ, pryčepaŭ i paŭpryčepaŭ, paviedamiła pres-słužba JEEK.
Staŭka antydempinhavaj pošliny składzie ad 14,79% da 35,35% ad mytnaha koštu.
Za analizavany pieryjad (z 1 studzienia 2011 hoda pa 30 červienia 2014 hoda) ahulny abjom impartu hruzavych šyn u krainy JEAES vyras na 9,2%, u toj ža čas abjom impartu hruzavych šyn z KNR pavialičyŭsia na 27,1%.
Ceny na kitajskija hruzavyja šyny na praciahu ŭsiaho analizavanaha pieryjadu byli značna nižejšyja za ceny na anałahičnyja šyny z trecich krain. Dempinhavaja marža kitajskich vytvorcaŭ skłała ad 14,79% da 35,35%.
«Va ŭmovach žorstkaj cenavaj kankurencyi z dempinhavym impartam z KNR pradpryjemstvy krain JEAES u analizavany pieryjad byli vymušanyja źnižać canu (na 3,9%) pry roście sabiekoštu (na 4,8%). U vyniku prybytak upaŭ u 10 razoŭ, rentabielnaść prodažu — na 8,1 pracentnaha punkta, abjom inviestycyj skaraciŭsia ŭ try razy», — adznačyła pres-słužba.
Rašeńnie nabyvaje moc praz 30 kalandarnych dzion z daty jaho aficyjnaha apublikavańnia.
