Supracoŭniki minskaj milicyi pierakryli čarhovy kanał pastaŭki narkatyčnych srodkaŭ z Rasii.
Jak paviedamlaje HUUS Minharvykankama, supracoŭnikami adździaleńnia pa narkakantroli i supraćdziejańni handlu ludźmi Frunzienskaha RUUS stalicy zatrymany 26-hadovy minčanin. U jaho aŭtamabili znojdzienyja i kanfiskavanyja 110 hramaŭ hašyšu, 10 tabletak ekstazi, vahi i marychuana ŭ palimiernym pakiecie. Pry sabie ŭ maładoha čałavieka było prystasavańnie dla ŭžyvańnia hašyšu.
Minčanin raniej nie sudzimy, nidzie nie pracuje. Raskazaŭ, što sam užyvaje narkotyki i raspaŭsiudžvaje ich na dyskatekach.
Savieckim RASK raspačataja sprava na padstavie č. 3 art. 328 KK (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ).
0
0
0
0
0
0