Minsk raźličvaje ŭ 2016 hodzie sabrać kiraŭnikoŭ byłych juhasłaŭskich respublik. Pra heta siońnia zajaviŭ Alaksandr Łukašenka na sustrečy z prezidentam Sierbii Tamisłavam Nikaličam. Sustrečy papiaredničaŭ udzieł kiraŭnikoŭ dziaržaŭ va ŭračystaj cyrymonii zakładki pamiatnaj kapsuły ŭ znak pačatku budaŭnictva ekśpierymientalnaha šmatfunkcyjanalnaha kompleksu «Minsk-Mir».
Alaksandr Łukašenka i Tamisłaŭ Nikalič pahutaryli ŭ niefarmalnaj abstanoŭcy. Kiraŭnik Biełarusi, u pryvatnaści, adznačyŭ, što heta budzie vielmi simvalična, kali ŭ budučym hodzie tut zmohuć sabracca kiraŭniki respublik byłoj Juhasłavii z važnaj nahody — budaŭnictva kompleksu «Minsk-Mir».
Kiraŭnik dziaržavy vykazaŭ nadzieju, što sierbski bok akaža Biełarusi dapamohu ŭ arhanizacyi hetaj sustrečy. Tamisłaŭ Nikalič u svaju čarhu raspavioŭ, što peŭnyja kroki pa arhanizacyi hetaj sustrečy ŭžo zroblenyja. Naprykład, u spravie ŭdziełu prezidentaŭ Słavienii, Charvatyi, Makiedonii i Čarnahoryi.
