Navukoŭcy ŭ ZŠA vyvieli hienietyčna madyfikavanaha kamara z častkovym imunitetam da malaryi. Jak kažuć daśledniki, kali novaja asobina budzie zdolnaj razmnažacca ŭ naturalnych umovach, heta dapamoža istotna pamienšyć kolkaść zaražeńniaŭ malaryjaj siarod ludziej.
Hiennamadyfikavanyja kamary mohuć pieradavać hien «supracivu» malaryi svajmu naščadku. Kamary z hetym hienam zaražajucca chvarobaj, ale nie pieradajuć jaje čałavieku pry ŭkusie.
Dajučy patomstva ŭ naturalnych umovach, kamary pavinny pastupova raspaŭsiudzić hety hien na ŭsiu papulacyju nasiakomych, spadziajucca navukoŭcy. Ekśpierymienty pakazali, što hien pieradajecca pa spadčynie amal u 100% vypadkaŭ, na try pakaleńni napierad.
Kamary z rodu anafieles — asnoŭnyja pieranosčyki malaryi. Pa dadzienych Suśvietnaj arhanizacyi achovy zdaroŭja, u śviecie ad malaryi štohod pamirajuć bolš za paŭmiljona čałaviek. U 2012 hodzie ad jaje pamierli 627.000 čałaviek. Bolšaja častka zaražeńniaŭ prychodzicca na Afryku.
