Pa siem pretendentaŭ uvajšliŭ naminacyi «Adkryćcio hodu» i «Hieroi hodu» muzyčnaj premii ad partału Tuzin.fm. Imiony pieramožcaŭ buduć abvieščanyja na vialikim kancercie 12 śniežnia ŭ kłubie «Placoŭka Choł».
«Kab patrapić u šort-list našaj premii hurt musić ciaham hodu demanstravać aktyŭnaść – studyjnuju, miedyjnuju, kancertnuju, časta navat nie dziakujučy, a nasupierak abstavinam. Važnuju rolu taksama hraje pośpiech piesień, klipaŭ i albomaŭ u našych čartach. Nu a samaje hałoŭnaje – aktualnaść jaho tvorčaści», – viadziecca ŭ zvarocie redakcyi partału Tuzin.fm z nahody abviaščeńnia šort-lista. Na pieramohu ŭ naminacyi «Adkryćcio hodu» pretendujuć novy prajekt Jana Maŭziera «Mama», alternatyŭnaja kamanda z Bresta «Zolki band», hurt «Ilužan», rep-vykanaŭca Angst, bard Staś Siłka, śpiavačka Pauline i hurt «Ilužan». Pretendentaŭ na zvańnie «Hieroi hodu» («Najlepšy hurt abo vykanaŭca hodu») taksama siamiora. Heta hurty Brutto, Navi, «Krambambula», Re1ikt, Tonqixod, Shuma i Źmicier Vajciuškievič.
Usie naminanty zaprošany ŭ jakaści haściej na ŭručeńnie premii, jakoje adbudziecca na 12-hodździe partału Tuzin.fm u kłubie «Placoŭka Choł». U hety viečar zajhrajuć Pauline, zolki band, Angst, a taksama naminanty na «Hierojaŭ hodu» – Re1ikt i Navi. Arhanizatary papiaredžvajuć, što mahčymyja siurpryzy.
U roznyja časy ŭ naminacyi «Adkryćcio hodu» pieramahali Akute (2010), Palina Respublika (2011), «Ludzi na bałocie» (2012), Hurma (2013), Siarhiej Bašłykievič i Leibonik (2014). «Hierojami hodu» pryznavalisia «Krambambula» (2004), Zet (2005), rok-paet Michał Aniempadystaŭ (2006), N.R.M. (2007), «Hluki» (2008), «Lapis Trubiacki» (2009), «Hluki» (2010), «Lapis Trubiacki» (2011), Akute (2012), Re1ikt (2013), Dzieciuki (2014).
12 śniežnia (subota). 19.00. Premija «Hieroi hodu» z udziełam Pauline, zolkiband, Angst, Re1ikt, Navi. Kvitki (z ulikam kamisii apieratara) — 150 000 (tancplac), 180 000 (stolik). Kvitki možna nabyć onłajn tut http://www.kvitki.by/ru/event/30704 abo ŭ kasach kvitki.by pa ŭsioj krainie. Telefon dla daviedak: + 375 29 687-20-93
