Paet Michaś Kavyl (sapraŭdnaje imia — Jazep Leščanka) naradziŭsia na Słuččynie 1 śniežnia 1915 h., a balšyniu žyćcia pražyŭ u amierykanskim horadzie Saŭt-Ryvery, štat Ńju-Džersi. Saŭt-Ryver — miesca pražyvańnia vialikaj biełaruskaj kałonii.
Michaś Kavyl ź vinšavalnymi padarunkami. Na zadnim płanie (źleva): syn Žorž, niaviestka Syndzi, unuk Metju i syn Michaś.
Siamja j siabry Michasia Kavyla adznačyli ŭ niadzielu 29 listapada stahodździe jahonaha žyćcia, plonnaha na nivie rodnaha słova j hramadckaj dziejnaści. U carkvie Sv. Jeŭfrasińni Połackaj chor prapiajaŭ jubilaru «Mnohaja leta», a na pačastunku ŭ jahonym domie ŭsie družna praśpiavali vielmi papularnuju pieśniu na słovy jahonaha vieršu «Vasiločki»:
Raśćvitali ŭ poli vasiločki,
Oj, čamu karocieńkija nočki,
Oj, čamu vialikija dziańki?
Jubilar atrymaŭ vinšavańnie ź Biełaha Doma ad prezidenta Baraka Abamy i spadaryni Mišel Abamy.
Uprava Biełaruskaha instytuta navuki j mastactva, siabram jakoha na praciahu doŭhich hadoŭ byŭ Michaś Kavyl, pieradała jamu i jahonym synam i ŭnukam razam ź vinšavańniem kopii staronak z anhłamoŭnaje historyi biełaruskaj zamiežnaj litaratury brytanskaha prafiesara Arnolda Makmilina, na jakich aŭtar apisvaje litaraturnyja tvory Michasia Kavyla.
Siamja Michasia Kavyla: žonka Sonia, dva syny (sprava) Žorž i Michaś, niaviestki Debora (sprava) i Syndy i ŭnučka Danika.
Udzielniki jubilejnaj biasiedy ŭ domie jubilara.
Hladzi taksama: «Tolki ŭ viečnaść dušu zabiaru…» Virtualnaja vystava ad BDAMLIM da 100-hodździa paeta Michasia Kavyla