RUP «Biełtelekam» papiaredžvaje pra mahčymyja karotkačasovyja adklučeńni internetu i telebačańnia ŭ asobnych rajonach Minska 1—6 śniežnia. Adpaviednaja infarmacyja raźmieščana na aficyjnym sajcie kampanii, paviedamlaje BiełTA.
Filijał «Minskaja haradskaja telefonnaja sietka» budzie pravodzić techničnyja pracy z 1 pa 6 śniežnia z 1.00 da 6.00. Padčas ich praviadzieńnia mahčymy karotkačasovyja abmiežavańni pasłuh šyrokapałosnaha dostupu (internet, telebačańnie) i achovy.
Tak, 1 śniežnia prablemy z telebačańniem, internetam i pasłuhami achovy mahčymyja ŭ damach pa vulicach Jasienina, Kalvaryjskaj, Burdziejnaha i ŭ zavułku Kalinina,
2 śniežnia — na vulicach Bryla, Matusieviča i Rusijanava,
3 śniežnia — u pasiołku Sokał, Kaladzičach, u zavułku Kalinina i na vulicy Kupryjanava,
4 śniežnia — na vulicach Ślasarnaj i Kazinca,
5 śniežnia — u prajeździe Kłubnym, na vulicach Jasienina i Asanalijeva,
6 śniežnia - na vulicach Hamarnika, Kopišča i Staravilenskaj.
