Prezident Turcyi Redžep Erdahan abviaściŭ, što sydzie ŭ adstaŭku, kali budzie dakazana, što jaho kraina kuplaje naftu ŭ «Isłamskaj dziaržavy».
U paniadziełak z hetym śćviardžeńniem vystupiŭ prezident Rasii Uładzimir Pucin: pa jaho słovach, mienavita z žadańniem abaranić pastaŭki źviazana ataka tureckich VPS na rasijski bambavik Su-24.
«Ci sydziecie vy?» — dadaŭ Erdahan, źviartajučysia praz žurnalistaŭ da Pucina.
Charakterna, što słovy ab adstaŭcy Erdahana trapili nie va ŭsie infarmahienctvy. AFP cytuje ich sa spasyłkaj na tureckaje ahienctva Anatolia. U toj ža čas u natatku Reuters, jaki taksama sačyŭ za zajavami Erdahana, hetaja cytata nie ŭvajšła.
«Ja zaraz skažu važnuju reč. Kali padobnyja rečy paćvierdziacca, vielič našaj nacyi abaviaža mianie padać u adstaŭku», - cytuje Erdahana Anatolia.
I Uładzimir Pucin, i Redžep Erdahan pryjechali na klimatyčny samit u Paryžy, ale nie sustrelisia na im. Pry hetym Uładzimir Pucin zajaviŭ, što Turcyja kuplaje ŭ «Isłamskaj dziaržavy» naftu ŭ «pramysłovych maštabach».