Biełaruskija mytniki dziasiatkami zatrymlivajuć pryčepy i paŭpryčepy ź dziaržaŭnymi numarami Litvy i inšych krain ES.
Pa dadzienych litoŭskaj asacyjacyi aŭtapieravozčykaŭ Linava, pryčynaj takich pavodzin źjaŭlajecca toje, što biełaruskija pamiežniki zhadali i pačali ŭžyvać stary zakon ab padatkaabkładańni, jaki viedaje dosyć mała pieravozčykaŭ, paviedamiła litoŭskaja biznes-hazieta Verslo zinios.
«Transpartnyja srodki zatrymlivajuć na terminałach. Jakim budzie ich los, pakul nie jasna. Pa zakonach Biełarusi za padobnyja parušeńni pryčepy i paŭpryčepy mohuć być kanfiskavanyja», - rastłumačyŭ vice-prezident Linava Julus Misiunas.
Zhodna ź dziejučym u krainie pravavym aktam, kali transpartny srodak nie rehistrujecca i nie vypłačvajucca padatak na dadatkovy košt i mytnyja zbory na terytoryi Mytnaha sajuza, ale hetaja kampanija pracuje na terytoryi Mytnaha sajuza, štomiesiac jana pavinna płacić 3% ad padatkaŭ, jakija b joj daviałosia płacić, kali b hruzavik abo paŭpryčepy byŭ zarehistravany ŭ Biełarusi.
Kali heta tolki adnarazovyja pieravozki, to padatkaŭ i sankcyj niama.
