Studenckaja supolnaść #studentysuprać źbirajecca naviedać zaŭtrašniuju sustreču z rektaram BDU Siarhiejem Abłamiejkam, kab zadać jamu pytańni.
«Chłopcy, voś i pryjšoŭ čas skazać administracyi BDU dziakuj. Dziakuj! Mocna paciskajem im ruku za kiemlivaść. A vy kažacie, što my nie dziakujem administracyi», — havorycca ŭ zvarocie.
«Rektar BDU ŭ ekstrannym paradku abviaściŭ, što sustreniecca sa studentami ŭ 13:30 u hałoŭnym korpusie BDU. A heta aznačaje, što ŭsie biahom da svajoj administracyi za aficyjnym vyzvaleńniem ad paraŭ. U sieradu vy možacie aficyjna pryjści na sustreču z rektaram i na Marš studentaŭ! Heta naša mahčymaść vykazać svaju pazicyju i nie prapuskać pary biez pavažnaj pryčyny».
Aŭtary zvarotu zaznačajuć, što dziasiatki studentaŭ buduć na sustrečy, a sotni buduć padtrymlivać ich pad voknami BDU.
Raniej paviedamlałasia, što na sieradu, 2 śniežnia, u 13:50 zapłanavany «Marš studentaŭ», jaki ładzić supolnaść #studentysuprać. Studenty mierkavali pratestavać suprać uviadzieńnia płaty za pierazdaču zalikaŭ i ispytaŭ.
Adnak rektar navučalnaj ustanovy Siarhiej Abłamiejka abviaściŭ pra sustreču sa studentami ŭ aŭdytoryi 433 hałoŭnaha korpusa dla abmierkavańnia nadzionnych prablem. Sustreča pryznačanaja na 13:30.
