Hałoŭny Dzied Maroz Biełarusi pradkazvaje stabilizacyju abstanoŭki ŭ śviecie.
«Siońnia ŭ śviecie dziejecca błytanina, ale z časam, ja dumaju, usio stabilizujecca. Ja chaču skazać, što ŭsio budzie dobra. U śviecie pavinien być spakoj, dabrynia i luboŭ. Stvarajcie dabro, nie treba vojnaŭ. Treba žyć u miry i zhodzie, jak sapraŭdnaja vielizarnaja družnaja siamja», — skazaŭ Dzied Maroz.
Jon zapeŭniŭ, što biełarusy — samyja sapraŭdnyja dobryja jeŭrapiejcy, jakija hatovyja dapamahčy inšym u ciažkaj situacyi słovam i spravaj.
«Biełarusy — dobry, pracavity, spahadny i prystojny narod. Siońnia, u pieršy dzień zimy, ja chaču pažadać kožnaj siamji ščaścia, miru i dabrabytu. Praź miesiac my budziem sustrakać samaje ciopłaje i damašniaje śviata — Novy hod. Niachaj jon budzie cudoŭnym i čaroŭnym dla kožnaha», — vykazaŭ pažadańni hałoŭny Dzied Maroz Biełarusi.
Sustrecca ź Dziedam Marozam žadajučyja zmohuć na navahodnich pakazach u Vialikim i Małym załach Pałaca Respubliki, jakija buduć iści trojčy ŭ dzień z 20 śniežnia 2015 hoda pa 7 studzienia 2016 hoda.
