Avijakampanija «Biełavija» z 22 śniežnia ŭvodzić čaćviorty štodzionny rejs pamiž Minskam i Kijevam u Mižnarodny aeraport Kijeŭ (Žulany).
BiełTA
Vylet ź Minska budzie ŭ 13.30, z Kijeva — u 14.20 pa miascovym časie. Čas u šlachu zojmie adnu hadzinu.
«Na dadzieny momant my nazirajem pryrost tranzitnych pasažyraŭ i, kab zadavolić isnujučy popyt, było pryniata rašeńnie ab uviadzieńni čaćviortaha rejsu ŭ Mižnarodny aeraport Kijeŭ. Vybar aeraporta abumoŭleny tym, što jon znachodzicca niepasredna ŭ miežach horada, što dazvalaje šmatlikim pasažyram ekanomić čas na šlachu ŭ aeraport», — rastłumačyŭ hienieralny dyrektar AAT» Avijakampanija «Biełavija» Anatol Husaraŭ.
Raniej samaloty «Biełavija» pa hetamu napramku lotali dvojčy ŭ dzień u aeraport Baryspal i adzin raz u Mižnarodny aeraport Kijeŭ (Žulany).
17 śniežnia «Biełavija» maje namier adkryć štodzionny rejs pa maršrucie Minsk — Charkaŭ — Minsk.