Brazilski bramnik «San-Paŭłu» Ražerya Sieni źjaŭlajecca rekardsmienam pa kolkaści zabitych hałoŭ siarod futbolnych hałkipieraŭ, zaviaršyŭ karjeru va ŭzroście 42 hadoŭ.
Apošnim u prafiesijnaj karjery Sieni staŭ vyjazny matč zaklučnaha tura čempijanatu Brazilii «Hojas» — «San-Paŭłu». Pieramohu ź likam 1:0 atrymali hości, jakija zaviaršyli pieršynstvo na čaćviortym miescy.
Sieni, jaki baraniŭ koleru «San-Paŭłu» z 1992 hoda, u 1256 matčach za karjeru va ŭsich turnirach adznačyŭsia 131 hołam. Bolšuju častku miačoŭ brazilec zabiŭ ź pienalci i sa štrafnych udaraŭ.
Bramnik dapamoh brazilskamu kłubu trojčy vyjhrać čempijanat krainy, dvojčy — Kubak Libiertadores i adzin raz — kłubny čempijanat śvietu.
U składzie zbornaj Brazilii hałkipier pravioŭ 16 matčaŭ, staŭ čempijonam śvietu ŭ 2002 hodzie.
