Die Welt
Hramadzianie Ukrainy i Hruzii zmohuć bieź viz padarožničać u krainy Jeŭrapiejskaha sajuza ź siaredziny 2016 hoda, paviedamlaje hazieta Die Welt sa spasyłkaj na krynicy ŭ dypłamatyčnych kołach Brusiela.
15 śniežnia Jeŭrapiejskaja kamisija apublikuje dakład z pazityŭnaj acenkaj namahańniaŭ, jakija Ukraina i Hruzija prykładajuć dla atrymańnia biaźvizavaha ŭjezdu, piša vydańnie. Dakład stanie farmalnym padstavaj dla zhody krain — členaŭ ES na admienu viz.
Pry hetym da viasny 2016 Kijeŭ pavinien prademanstravać pośpiechi ŭ baraćbie z karupcyjaj.
Kali rašeńnie ab admienie viz ŭctupić u siłu, hramadzianie Ukrainy i Hruzii zmohuć svabodna jeździć u Jeŭrasajuz i zastavacca tam na try miesiacy kožnyja paŭhoda. Admiena viz nie maje na ŭvazie prava na pracu ŭ ES.
Z 2016 hoda biaźvizavy ŭjezd u Jeŭrasajuz mohuć atrymać i hramadzianie Turcyi. Urad krainy damahłosia admieny vizaŭ u abmien na abaviazacielstvy ŭziać pad kantrol situacyju ź biežancami, jakija biahuć ź Siryi.
