Viečarynu, što adbyłasia 26 sakavika, na nastupny dzień paśla brutalnaha razhonu mirnaj demanstracyi ŭ Miensku, pryśviečanaj 90-hadovamu jubileju abviaščeńnia BNR, naviedali kala 60 čałaviek, kab pasłuchać viadomuju biełaruskuju žurnalistku Natallu Makušynu. Sp. Natalla Makušyna raspaviała pra nievynosna ciažkija ŭmovy, u jakich davodzicca pracavać niezaležnym ŚMI Biełarusi, pryviała prykłady represij, praź jakija daviałosia prajści jaje kaleham i joj asabista.
Na žal, jaje słovy čarhovy raz paćvierdzilisia na nastupny dzień paśla dyskusii, kali KDB zładziŭ šmatlikija pieratrusy na ofisach niezaležnym miedyjaŭ i ŭ pryvatnych kvaterach ich karespandentaŭ u Biełarusi.
Uśled za sp. Makušynaj, biełaruski litaratar Alhierd Bacharevič začytaŭ svajo apaviadańnie “Talent zaikańnia”. Hości sustrečy mieli mahčymaść atrymlivać asałodu ad miłahučnaści biełaruskaj movy, adnačasova sočačy za tekstam pa niamieckim i anhielskim pierakładach .
Admysłova zaprošanaj hościaj imprezy była znakamitaja žurnalistka i pierakładčyca z Łondanu Viera Ryč, jakaja zajmajecca Biełaruśsiu ŭžo bolš za 50 hod. Spadarynia Ryč začytała kolki pierakładaŭ sa zbornika “Vierš na Svabodu”, a taksama padaravała aŭdytoryi svoj ułasny paetyčny tvor.
Viečaryna była zładžanaja sumiesnymi vysiłkami “Ofisa za demakratyčnuju Biełaruś”, Chanse-Ofisa (Hanse-office in Brussels) i Hamburhskaj fundacyi pa padtrymcy palityčna pieraśledavanych (Hamburger Stiftung fur politisch Verfolgte).
