Najvažniejšym pryncypam pabudovy dziaržavy ŭ Biełarusi źjaŭlajecca jakaść žyćcia ludziej. Pra heta zajaviŭ siońnia Alaksandr Łukašenka na pierahavorach z prezidentam Turkmienistana Hurbanhuły Bierdymuchamiedavym u pašyranym farmacie.
Alaksandr Łukašenka źviarnuŭ uvahu na toje, što znachodzicca ŭ Ašchabadzie napiaredadni znamianalnaj dla Turkmienistana daty - 20-hodździa nabyćcia statusu pastajannaha niejtralitetu. «Kaliści zdavałasia niemahčymym heta realizavać. I zasłuha ciapierašniaha prezidenta ŭ tym, što jon na praktycy ažyćciaviŭ hetu vialikuju ideju turkmienskaha naroda. Heta adzina mahčymaja palityka była realizavana i dała realny plon», — skazaŭ biełaruski lidar.
Jon padziakavaŭ za zaprašeńnie pryniać udzieł u kanfierencyi, jakaja źbiare tut 12 śniežnia lidaraŭ dziaržaŭ rehijona, važnych suśvietnych palityčnych dziejačaŭ. Na dumku kiraŭnika Biełarusi, uzrovień delehacyj na forumie nahladna demanstruje aŭtarytet Turkmienistana na mižnarodnaj arenie.
Kiraŭnik biełaruskaj dziaržavy asabliva adznačyŭ, što tematyka kanfierencyi — «Palityka niejtralitetu: mižnarodnaje supracoŭnictva ŭ imia miru, biaśpieki i raźvićcia» — adlustroŭvaje ŭ tym liku nakiravanaść źniešniaj palityki Biełarusi.
«Z zadavalnieńniem adznaču ahulnaść našych padychodaŭ da pabudovy dziaržavy. Pavodle ŭzajemnaha mierkavańnia, jana pavinna być sacyjalna aryjentavanaja. Jaje važniejšym pryncypam źjaŭlajecca jakaść žyćcia ludziej. Ludzi — voś hałoŭnaja kaštoŭnaść i Biełarusi, i Turkmienistana», — padkreśliŭ Alaksandr Łukašenka.
