Rasijskija samaloty pamyłkova nanieśli ŭdar pa pazicyjach armii siryjskaha dyktatara Bašara Asada na minułym tydni, napisali amierykanskija ŚMI sa spasyłkaj na vysokapastaŭlenuju krynicu.
Bambaluk bambardziroŭščyka Tu-22M3. Fota lenta.ru
Pieršapačatkova aficyjnyja ŭłady Siryi zajavili, što avijacyja kaalicyi pad kiraŭnictvam ZŠA bambiła ŭ niadzielu vajennuju bazu vojsk Asada, u vyniku čaho zahinuli 3 žaŭniery, jašče 13 byli paranienyja. Była źniščana vajennaja technika i ryštunak.
Kaalicyja aficyjna zajaviła, što ŭ hety dzień usie bajavyja vylety jaje samalotaŭ byli skiravanyja suprać naftavych abjektaŭ, a nie suprać vajennych celaŭ.
Paźniej vysokapastaŭleny amierykanski čynoŭnik nieaficyjna paviedamiŭ, što «łažanułasia» rasijskaja avijacyja.
«My zaŭvažyli na radary bambardziroŭščyk Backfire (Tu-22) dakładna nad horadam, pra jaki kazali siryjcy», — skazaŭ čynoŭnik.
Jak minimum 12 rasijskich dalnich bambardziroŭščykaŭ Tu-22M3 udzielničajuć u apieracyi ŭ Siryi. Viadoma, što jany vykarystoŭvajuć zvyčajnyja niekiravanyja bomby.