U Breście zatrymany hramadzianin Rasii, abvieščany na radzimie ŭ vyšuk pa padazreńni va ŭdziele ŭ bajach na baku tak zvanaj Isłamskaj dziaržavy. Pra heta na telekanale ANT paviedamiŭ načalnik pres-słužby KDB Źmicier Pabiaržyn.
28-hadovy ŭradženiec Čačni pakinuŭ radzimu jašče ŭ 2003 hodzie. Jak padazrajuć pravaachoŭniki, jon prajšoŭ śpiecyjalizavanuju padrychtoŭku ŭ adnym z łahieraŭ Isłamskaj dziaržavy i byŭ aktyŭnym udzielnikam hetaj terarystyčnaj arhanizacyi.
Jaho vyjavili i zatrymali ŭ Breście. Na videazapisy bajcy atrada milicyi asablivaha pryznačeńnia vyvodziać jaho z kvatery.
U telefonie zatrymanaha vyjaŭlenyja videazapisy adpaviednaha źmiestu. Ciapier vyvučajecca taksama jaho elektronnaja pošta na pradmiet utrymańnia ekstremizmu.
Zatrymany budzie pieradadzieny rasijskim pravaachoŭnikam.
