Upieršyniu ŭ Saudaŭskaj Aravii žančyna była abranaja deputatam municypalnaj rady. Vybarčaja kamisija karaleŭstva abviaściła, što ŭ vyniku praviedzienych u subotu municypalnych vybaraŭ Sałma bint Chizab al-Atejbi atrymała mandat u pravincyi Mieka.
Hetyja municypalnyja vybary byli pieršymi ŭ historyi Saudaŭskaj Aravii, u jakich mahli ŭdzielničać žančyny - jak u jakaści vybarščykaŭ, tak i ŭ jakaści kandydataŭ.
Poŭnyja vyniki vybaraŭ buduć abvieščanyja paźniej u niadzielu.
U ahulnaj składanaści 978 žančyn byli zarehistravanyja ŭ jakaści kandydataŭ razam z 5938 mužčynami.
Z-za isnujučych u Saudaŭskaj Aravii strohich pravił siehrehacyi žančyny mahli albo vystupać za pieraharodkaj padčas vybarčaj kampanii, albo ich pavinny byli pradstaŭlać mužčyny.
Vybary sami pa sabie źjaŭlajucca redkim padziejaj u Saudaŭskaj Aravii. Ciapierašnija vybary - tolki trecija ŭ historyi karaleŭstva. U pieryjad z 1965-ha pa 2005 hady vybary tam nie pravodzilisia.
Rašeńnie dazvolić žančynam ŭdzielničać u vybarach pryniaŭ ciapier niabožčyk karol Abdała ŭ 2011 hodzie.