Mikoła Kupava, uradženiec Oršy, vyrašyŭ zrabić padarunak ustanovie kultury. Ale jaho spynili na ŭvachodzie.
Razam ź Mikołam Kupavam pryjšli jašče niekalki čałaviek — žurnalistaŭ i ŭdzielnikaŭ navukovaj kanfierencyi, jakaja prachodziła ŭ Oršy. Supracoŭnica muzieja skazała, što prajści da dyrektarki ŭsie prysutnyja mohuć tolki nabyŭšy kvitki pa 20 tysiač rubloŭ. A śledam toje samaje paŭtaryła i dyrektarka Lina Hatoŭskaja: maŭlaŭ, kali vy zajšli ŭ muziej, to musicie zapłacić za ŭvachod.
Darečy, spadarynia Hatoŭskaja zahadzia viedała pra namier Mikoły Kupavy i była papiaredžana pra jahony vizit. Ale navat taja akaličnaść, što ŭ muziei Uładzimira Karatkieviča zaraz ekspanujecca vystava tvoraŭ mastaka, nie adyhrała anijakaj roli. Dyrektarka skazała: ekspazycyi my pakazvajem za hrošy. I chacia hladzieć vystavu ni ŭ kaho nie było namieru, usim prysutnym daviałosia ŭsio ž zapłacić pa 20 tysiač, kab trapić u zału, dzie vystaŭleny ilustracyi Mikoły Kupavy da tvora Uładzimira Karatkieviča «Lebiadziny skit»
Paśla hetaha atmaśfiera ŭručeńnia padarunkaŭ była nie takaja ŭračystaja, jak mierkavałasia. Adnak dyrektarka muzieja, anikolki nie źbiantežyŭšysia, pryniała ad Mikoły Kupavy linaryty «Viazynka» i «Vostraja brama». Padziakavaŭšy, Lina Hatoŭskaja syšła ŭ svoj kabiniet. Usia impreza zaniała nie bolš jak 10 chvilin jejnaha pracoŭnaha času.
Muziej za hety čas atrymaŭ dachod 300 tysiač rubloŭ za bilety. U dadatak da padarunkaŭ ad mastaka.
