Viarchoŭny sud Paŭnočnaj Karei prysudziŭ kanadskaha pastara da pažyćciovaha źniavoleńnia ŭ papraŭča-pracoŭnym łahiery.
60-hadovy Chiejon Su Lim naradziŭsia ŭ Paŭdniovaj Karei, ale pražyvaje ŭ Taronta.
Jaho aryštavali ŭ studzieni ŭ stalicy KNDR Pchieńjanie, kudy jon prybyŭ z humanitarnaj misijaj.
Paŭnočnakarejskija ŚMI śćviardžajuć, što kanadziec pryznaŭsia va ŭdziele ŭ antyŭradavaj zmovie z metaj ustanaŭleńnia ŭ KNDR «relihijnaj dziaržavy».
Zakony Paŭnočnaj Karei zabaraniajuć lubuju misijanierskuju dziejnaść.
Akramia taho, jak paviedamlaje kitajskaje ahienctva Sińchua, Lim abvinavačvajecca va ŭdziele ŭ «šumisie vakoł situacyi z pravami čałavieka, arhanizavanaj ZŠA i Paŭdniovaj Karejaj dla dyskredytacyi KNDR», a taksama ŭ raspaŭsiudzie «iłžyvaj prapahandy z metaj ačarnić imidž krainy na suśvietnaj arenie».
Pa słovach členaŭ siamji pastara, jaho apošni vizit u KNDR, padčas jakoha jon byŭ aryštavany, byŭ źviazany z arhanizacyjaj humanitarnaj dapamohi dziciačym sadam i sirockim prytułkam Paŭnočnaj Karei.
