sputnik.by
Pra heta jon zajaviŭ siońnia na naradzie pa aktualnych pytańniach sacyjalna-ekanamičnaha raźvićcia, paviedamlaje BiełTA.
«Pierš za ŭsio razmova pojdzie pra skład budučaha ŭrada i niekatorych aktualnych pytańniach u ekanomicy, asabliva ŭ płanie učorašnich pieramovaŭ u Maskvie», — adznačyŭ kiraŭnik dziaržavy.
«Što tyčycca składu ŭrada, ja siońnia pryniaŭ rašeńnie ab pryznačeńni prysutnych tut členaŭ urada na adpaviednyja pasady - premjer-ministra i vice-premjeraŭ. I chacieŭ by pačuć vaš punkt hledžańnia, vašu acenku pracujučych ciapier ministraŭ, pierš čym kančatkova sfarmavać urad», — padkreśliŭ jon.
«Praŭda, nas (ja niekalki razoŭ zaŭvažaŭ heta) krytykujuć u tak zvanaj apazicyjnaj presie, što nie pryznačajecca ŭrad. Prosta zabylisia, napeŭna, što ŭrad byŭ sfarmiravany jašče da prezidenckich vybaraŭ. Tak druhi raz u našaj historyi my pastupajem, kab ludzi bačyli, chto budzie pracavać va ŭradzie, kali hetaha prezidenta abirajuć», — padkreśliŭ Alaksandr Łukašenka.
«Ale, tym nie mienš, my tady damovilisia, što projdzie niejki čas, paŭhoda, krychu bolš, i budzie mahčymaść i nam pahladzieć na pracu novaha składu, i ludziam vyznačycca, jakija papracujuć va ŭradzie, moža, im nie spadabajecca», — adznačyŭ kiraŭnik dziaržavy.
Pavodle jaho słoŭ, u nas isnuje pracazdolny ŭrad. Ale jurydyčna jaho treba pierapryznačyć, unieści prapanovu pa premjeru-ministru na ŭzhadnieńnie pałaty pradstaŭnikoŭ.
Takim čynam premjer-ministr Andrej Kabiakoŭ, pieršy namieśnik premjer-ministra Vasil Maciušeŭski, namieśnik premjer-ministra Anatol Kalinin, namieśnik premjer-ministra Natalla Kačanava, namieśnik premjer-ministra Michaił Rusy, namieśnik premjer-ministra Uładzimir Siamaška zachoŭvajuć svaje pasady.
Ale mahčyma, źmieny čakajuć kabiniet ministraŭ.
***
Nahadajem, što 16 kastryčnika ŭrad Biełarusi pryniaŭ rašeńnie ab składańni paŭnamoctvaŭ pierad navavybranym prezidentam. Składańnie paŭnamoctvaŭ pierad navavybranym prezidentam praduhledžana artykułam 106 Kanstytucyi RB.
