 |
Učora pozna viečaram prezydent ZŠA Džordž Buš prybyŭ va Ŭkrainu z aficyjnym vizytam. Prylotu prezydenta ZŠA papiaredničali biesprecedentnyja dla Ŭkrainy miery biaśpieki.
Apazycyjny partyi (kamunisty i prahresiŭnyja sacyjalisty) siły zładzili na płoščy Niezaležnaści akcyju pratestu suprać vizytu Džordža Buša i mahčymaha siabroŭstva Ŭkrainy ŭ Paŭnočna‑atlantyčnym aljansie. Jany pastavili niekalki namiotaŭ i spalili pudziła amerykanskaha prezydenta.
Planujecca, što 1 krasavika Buš i Juščanka abmiarkujuć perspektyvy dvuchbakovaha supracoŭnictva, u tym liku pytańni siabroŭstva Ŭkrainy ŭ NATO. Pieramovy projduć jak sam‑nasam, tak i ŭ pašyranym farmacie. Akramia taho, u planach Džordža i Łory Buš naviedvańnie škoły i kijeŭskaj Safii.
Paśla Ŭkrainy Džordža Buša čakajuć na samicie NATO ŭ Rumynii, a taksama ŭ Charvatyi i Rasiei.
