26 śniežnia 2015 hoda a 12.30 adbudziecca adkryćcio i aśviačeńnie pomnika Ryhoru Baradulinu na Butaŭskich mohiłkach va Ušačach.
Prajezd: pa trasie na Połack, u Saročynie naleva da Ušačaŭ, u samich Ušačach paśla hałoŭnaha skryžavańnia pilnujcie pavarot naleva (tam staić ukazalnik «Radzima Pietrusia Broŭki»). Chto zachoča pabačyć chatu dziadźki Ryhora, to jaje adras — Školnaja, 6.
Ryhor Baradulin pamior 2 sakavika 2014 hoda ŭ Miensku. Zhodna z apošniaj volaj, byŭ pachavany poruč z mamaj u rodnych Ušačach.
Pakinuŭ zapaviet: «Kali ja adydu, pastaŭcie mnie / Sivy vałun i kryž na vałunie…»
Hrošy na pomnik narodnamu paetu źbirali ŭsim śvietam, z usiaje rainy pieradavali žorny dla azdableńnia pachavańnia. Čynnuju ŭsiebakovuju dapamohu akazaŭ Ušacki rajvykankam. Vyrabiŭ pomnik z ušackaha vałuna skulptar Ihar Zasimovič.
16 listapada 2015 hoda supracoŭniki Avijacyi MNS Biełarusi pry dapamozie viertalota Mi-8 apuścili 2,5-tonny vałun na mahiłu. Repartaž ź miesca padziej — pa spasyłcy.
