Ukaz Łukašenki № 513 ad 22 śniežnia ab «stabilizacyi finansava-ekanamičnaha stanu asobnych pramysłovych arhanizacyj», apublikavany na Nacyjanalnym pravavym partale, akazaŭsia adnym z samych sakretnych u historyi.
Paśla troch punktaŭ «dla słužbovaha karystańnia» idzie paviedamleńnie pra toje, što na sumu padtrymki 4 tryljony rubloŭ budzie pavialičany limit ŭnutranaha dziaržaŭnaha doŭhu krainy. Zatym — jašče dva punkty «DSK» i, jak i ŭ vypadku z «Kamvol», punkt ab kryminalnaj adkaznaści, jakaja pahražaje słužbovym asobam za «vinoŭnyja dziejańni, jakija vyjavilisia ŭ nienaležnym abo niesvoječasovym vykanańni normaŭ hetaha ŭkaza, što paciahnuła pryčynieńnie škody dziaržaŭnaj ułasnaści ci istotnaj škody dziaržaŭnym abo hramadskim intaresam».
Čakajecca, što ŭ bližejšy čas budzie taksama apublikavany ŭžo padpisany ŭkaz ab finansavaj padtrymcy pradpryjemstvaŭ cemientnaj i šklanoj haliny, jakija, niahledziačy na praviedzienuju madernizacyju, pakul nie mohuć vyjści na efiektyŭnuju pracu.
