Sakratar Rady nacyjanalnaj biaśpieki i abarony (RNBA) Ukrainy Alaksandr Turčynaŭ prapanavaŭ razhledzieć pytańnie ab pieravodzie śviatočnaha carkoŭnaha kalendara ź julijanskaha na hryharyjanski. Pra heta jon napisaŭ na svaim asabistym sajcie.
«Moža, užo pryjšoŭ čas i Ukrainie pierajści na śviatkavańnie Rastva 25 śniežnia razam z bolšaściu cyvilizavanych krain? Ale vyrašać heta pavinna, u pieršuju čarhu, Rada chryścijanskich cerkvaŭ Ukrainy», — havorycca ŭ paviedamleńni. U pierachodny pieryjad Turčynaŭ prapanavaŭ «pakinuć śviatkavańnie i 25 śniežnia, i 7 studzienia».
Jon adznačaje, što ŭ Biblii nie ŭkazanaja data naradžeńnia Isusa Chrysta, a rašeńnie śviatkavać Kalady 25 śniežnia, paśla zimovaha soncastajańnia, kali pačynaje pavialičvacca praciahłaść śvietłavoha dnia, było pryniata na Suśvietnym sabory ŭ Efiesie ŭ 431 hodzie našaj ery.
Pavodle hryharyjanskaha kalendara śviatkujuć Kalady i inšyja carkoŭnyja śviaty Rymska-katalickaja carkva, pratestanckija denaminacyi i 9 z 14 pravasłaŭnych cerkvaŭ.
Pavodle julijanskaha kalendara adznačajuć śviaty Ijerusalimskaja, Ruskaja (razam ź joj u Biełarusi), Sierbskaja, Hruzinskaja i Polskaja pravasłaŭnyja cerkvy.
